അധ്യാപകരും കൈകോര്‍ത്ത സമഗ്ര വികസനം
സ്‌കൂളിന്റെ സമഗ്ര വികസനത്തിന് അധ്യാപകരും കൈകോര്‍ത്തപ്പോള്‍ അതൊരു ചരിത്ര മുഹൂര്‍ത്തമായി. പൂര്‍വ്വ വിദ്യാര്‍ഥികളെ സ്വീകരിക്കാന്‍ എല്ലാ തിരക്കുകളും മാറ്റി വെച്ച് സ്‌കൂളിലെത്തിയ മുഴുവന്‍ അധ്യാപകരും വലിയ തുകയാണ് സ്‌കൂളിന്റെ വികസനത്തിനായി വാഗ്ദാനം ചെയ്തത്. പുര്‍വ്വ വിദ്യാര്‍ഥികളെല്ലാം 1000 രൂപ നല്‍കി വികസന ഫണ്ട് വിജയിപ്പിക്കണമെന്ന അഭിപ്രായം ഉയര്‍ന്നപ്പോള്‍ മാനേജര്‍ ബഹ്‌റൈന്‍ മുഹമ്മദ് ഹാജി, ഹെഡ് മാസറ്റര്‍ അനില്‍ കുമാര്‍ സി.സി, അധ്യാപകരായ ബെന്നി മാസ്റ്റര്‍, മൊയ്തീന്‍ മാസ്റ്റര്‍, സുചിത ടീച്ചര്‍, ശ്രീവിദ്യ ടീച്ചര്‍, ജയപ്രഭ ടീച്ചര്‍, ബാബു മാസ്റ്റര്‍, രേണുക ടീച്ചര്‍, സജീഷ് മാസ്റ്റര്‍, സുബൈര്‍ മാസ്റ്റര്‍, രതീഷ് ബാബു മാസ്റ്റര്‍, ജിഷ ടീച്ചര്‍, സുമയ്യ ടീച്ചര്‍, വീണ ടീച്ചര്‍, ഫാത്വിമ ടീച്ചര്‍, ഡിന്‍സി ടീച്ചര്‍, ക്ലര്‍ക്ക് ഷബീര്‍ തുടങ്ങിയവര്‍ നല്ല തുക വികസന ഫണ്ടിലേക്ക് സംഭാവന ചെയ്യുകയായിരുന്നു. അതോടെ വാഗ്ദാനങ്ങളുടെ പെരുമഴയായിരുന്നു. ആറോളം ലാപ്‌ടോപ്പുകള്‍, രണ്ട് പ്രൊജക്ടറുകള്‍, വിദ്യാര്‍ഥികള്‍ക്ക് ശുദ്ധജലം ലഭ്യമാക്കുന്നതിനായി 2 വാട്ടര്‍ ഫില്‍ട്ടര്‍ നവീകരണം, അഞ്ഞൂറോളം ചെയറുകള്‍, രണ്ട് ഗെയ്റ്റുകളുടെ നിര്‍മാണം, ഇന്റര്‍ലോക്ക് നിര്‍മാണം, പാവപ്പെട്ട വിദ്യാര്‍ഥികള്‍ക്ക് സ്കൂള് യൂനിഫോം സൗജന്യമായി നല്‍കല്‍ തുടങ്ങിയവ സദസ്സില്‍ പെട്ട പലരും വാഗ്ദാനം ചെയ്തു. പതിനായിരക്കണക്കിന് പൂര്‍വ്വ വിദ്യാര്‍ഥികള്‍ക്കിടയിലേക്ക് പദ്ധതി പൂര്‍ണ്ണാര്‍ത്ഥത്തില്‍ എത്തിച്ച് 10 കോടി രൂപയുടെ സമഗ്ര പദ്ധതി ഉടന്‍ നടപ്പിലാക്കാനാണ് പൂര്‍വ്വ വിദ്യാര്‍ഥി വികസന കമ്മിറ്റിയുടെ ഉദ്ദേശം.
