നാടിന്റെ നാനാ തലങ്ങളില്‍ നിരവധി വ്യക്തി മുദ്രകള്‍ പതിപ്പിച്ച സ്‌കൂളില്‍ വരും വര്‍ഷം ഐ.ടി അധിഷ്ടിത വിദ്യാഭ്യാസത്തോടു കൂടിയ സ്മാര്‍ട്ട് ക്ലാസുകള്‍ ആരംഭിക്കാനാണ് തീരുമാനം. വിദ്യാര്‍ഥികള്‍ക്ക് മികച്ച സൗകര്യങ്ങള്‍ ഒരുക്കുന്നതിനായി മൂന്ന് നിലയുള്ള പുതിയ സ്‌കൂള്‍ കെട്ടിടത്തിന്റെ പണി പൂര്‍ത്തിയായി വരികയാണ്. വരുന്ന അധ്യയന വര്‍ഷം മുതല്‍ പുതിയ കെട്ടിടം ഉപയോഗപ്പെടുത്താന്‍ സാധ്യമാവുമെന്നാണ് കരുതുന്നത്. സ്മാര്‍ട്ട് ക്ലാസ് ആരംഭിക്കലോടു കൂടി അത് പൊതുവിദ്യാഭ്യാസ മേഖലയില്‍ എന്നും കാലത്തിനൊപ്പം സഞ്ചരിക്കുന്ന സ്‌കൂളിന്റെ ചരിത്രത്തില്‍ പുതിയ പൊന്‍തൂവലാവും. കാസര്‍കോടിന്റെ പ്രിയപ്പെട്ട കവി ടി ഉബൈദടക്കം പഠനം നടത്തിയ എ.ജെ.ഐ.എ.യു.പി സ്‌കൂള്‍ 85 വര്‍ഷത്തിലെത്തി നില്‍ക്കുമ്പോള്‍ വിദ്യാര്‍ഥികളുടെ പഠന പാഠ്യേതര പുരോഗതിക്കായി മികച്ച പരിഗണനയാണ് മാനേജ്‌മെന്റും അധ്യാപകരും പി.ടി.എ കമ്മിറ്റിയും നല്‍കുന്നത്.
No comments:
Post a Comment