മധുരം മലയാളത്തിന് പുറമേ, ഉപ്പള എ.ജെ.ഐ.എ.യു.പി സ്കൂളില് ഹലോ ഇംഗ്ലീഷിനും ഉജ്ജ്വല തുടക്കം. പാഠ്യ പഠ്യേതര പ്രവര്ത്തനങ്ങളില് എന്നും ഒരു പിടി മുന്നില് നില്ക്കുന്ന സ്കൂളില് ഇതോടെ പിന്നോക്കം നില്ക്കുന്ന വിദ്യാര്ത്ഥികള്ക്ക് പാഠ്യരംഗത്ത് ഉയര്ച്ചയിലെത്താനുള്ള ചൂണ്ട് പലകയും സൃഷ്ടിക്കപ്പെട്ടു.
ഇന്ന് രാവിലെ സ്കൂള് ഹാൡ നടന്ന പ്രൗഢമായ സദസ്സിലാണ് സ്കൂള് മാനേജറായ ബഹ്റൈന് മുഹമ്മദ് ഹാജി ഹലോ ഇംഗ്ലീഷിന്റെ ഉദ്ഘാടനം നിര്വ്വഹിച്ചത്. എ.ജെ.ഐ സംഘം പ്രസിഡന്റ് പി.കെ മൂസ ഹാജി അധ്യക്ഷനായി. ഹെഡ്മാസ്റ്റര് അനില്കുമാര് സി.സി, വാര്ഡ് മെമ്പര് ആയിഷാ റഫീഖ്, എ.ജെ.ഐ സംഘം ജന. സെക്രട്ടറി മാളിക അബ്ദുല്ല, മതര് പി.ടി.എ പ്രസിഡന്റ് റംല, മഞ്ചേശ്വരം ബി.ആര്.സി ട്രൈനര് സുജാത ടീച്ചര്, അധ്യാപകരായ ശ്രീവിദ്യ, ബെന്നി തോംപുന്നയില്, അനിത, മുഹമ്മദ് കുഞ്ഞി എന്നിവര് സംസാരിച്ചു. വിവിധ ക്ലാസിലെ വിദ്യാര്ത്ഥികള് അവതരിപ്പിച്ച ഇംഗ്ലീഷിലുള്ള കലാ പ്രകടനങ്ങള് ഹലോ ഇംഗ്ലീഷിന്റെ മാറ്റ് വര്ദ്ധിപ്പിച്ചു. രതീഷ് ബാബു മാസ്റ്റര് സ്വാഗതവും രേണുക പി.ജി നന്ദിയും പറഞ്ഞു.
No comments:
Post a Comment