ഒരു വട്ടം കൂടി എന് ഓര്മ്മകള് മേയുന്ന തിരുമുറ്റത്തെത്തുവാന് മോഹം
ഒ.എന്.വി കുറുപ്പിന്റെ ഒരു വട്ടം കൂടി എന്ന കവിത എ.ജെ.ഐ.എ.യു.പി സ്കൂളിലെ പൂര്വ്വ വിദ്യാര്ഥികള് പാടാന് തുടങ്ങിയിട്ട് വര്ഷങ്ങളായി. ഏഴ് വര്ഷം ഈ അക്ഷര മുറ്റത്ത് പാറി നടന്ന കുരുന്നുകളില് പലരും ഇന്ന് ജനപ്രതിനികളും നേതൃകായകരുമാണ്. ഇവര്ക്കെല്ലാം ആഥിത്യമരുളാന് ഈ അക്ഷര മുറ്റം തയ്യാറായിക്കഴിഞ്ഞു.
ഒ.എന്.വിയുടെ ഒരുവട്ടം കൂടി എന്ന പൂര്ണ്ണമായ കവിത
ഒരു വട്ടം കൂടി എന് ഓര്മ്മകള് മേയുന്ന തിരുമുറ്റത്തെത്തുവാന് മോഹം (2)
തിരുമുറ്റത്തൊരു കോണില് നില്ക്കുന്നോരാ നെല്ലി മരം ഒന്നുലുത്തുവാന് മോഹം (2)
അടരുന്ന കായ് മണികള് പൊഴിയുമ്പോള്
ചെന്നെടുത്തു അതിലൊന്ന് തിന്നുവാന് മോഹം
സുഖമെഴും കയ്പും പുളിപ്പും മധുരവും
നുകരുവാന് ഇപ്പോഴും മോഹം
തൊടിയിലെ കിണര് വെള്ളം കോരിക്കുടിച്ച്
എന്തു മധുരം എന്നോതുവാന് മോഹം (2)
ആ . . . . . . . .
ഒരു വട്ടം കൂടി ആ പുഴയുടെ തീരത്തു വെറുതെ ഇരിയ്ക്കുവാന് മോഹം (2)
വെറുതെ ഇരുന്നൊരു കുയിലിന്റെ പാട്ടു കേട്ട്
എതിര് പാട്ടു പാടുവാന് മോഹം (2)
അതു കേള്ക്കേ ഉച്ചത്തില് കൂകും കുയിലിന്റെ
ശ്രുതി പിന്തുടരുവാന് മോഹം
ഒടുവില് പിണങ്ങി പറന്നു പോം പക്ഷിയോട്
അരുതേ എന്നോതുവാന് മോഹം
വെറുതേ ഈ മോഹങ്ങള് എന്നറിയുമ്പോഴും
വെറുതേ മോഹിക്കുവാന് മോഹം
വെറുതേ ഈ മോഹങ്ങള് എന്നറിയുമ്പോഴും
വെറുതേ മോഹിക്കുവാന് മോഹം
No comments:
Post a Comment