ഒരു വട്ടം കൂടി
എ.ജെ സ്കൂളില് ഞായറാഴ്ച പൂര്വ്വ വിദ്യാര്ഥി സംഗമം
പാറക്കട്ട: പൊതുവിദ്യാഭ്യാസ സംരക്ഷണത്തോടനുബന്ധിച്ച് നാട്ടുകാരുടെ പാറക്കട്ട ശാലയില് മാര്ച്ച് 19ന് ഞായറാഴ്ച രാവിലെ 10.30 ന് പൂര്വ്വ വിദ്യാര്ഥി സംഗമം. 85 വര്ഷം മുമ്പ് തുടങ്ങിയ സ്കൂളിലെ പൂര്വ്വ വിദ്യാര്ഥികളായ പതിനായിരങ്ങള് സംഗമിക്കുന്ന ഒരു വട്ടം കൂടി എന്ന സ്നേഹ സംഗമം വന് വിജയമാക്കാനുള്ള അണിയറ പ്രവര്ത്തനങ്ങള് സ്കൂളില് സജീവമായി. ആദ്യപടിയായി സ്കൂളിലെ നാല്പതോളം അധ്യാപകര് വിദ്യാര്ഥികളുടെ വീടുകള് സന്ദര്ശിച്ച് പൂര്വ്വ വിദ്യാര്ഥികളെ നേരിട്ട് ക്ഷണിച്ചു കഴിഞ്ഞു. സര്ക്കാര്് നിര്ദ്ധേശ പ്രകാരം സ്കൂളിന്റെ സമഗ്രമായ വികസനത്തിനു വേണ്ടിയുള്ള മികച്ച പ്രവര്ത്തനങ്ങളാണ് സ്കൂള് മാനേജ്മെന്റും രക്ഷിതാക്കളും അധ്യാപകരും നടത്തി വരുന്നത്.ഐ.ടി അധിഷ്ടിത വിദ്യാഭ്യാസത്തിന്റെ ഭാഗമായി പൊതുവിദ്യാഭ്യാസ സ്ഥാപനങ്ങളില് കൂടി സ്മാര്ട്ട് ക്ലാസുകള് ആരംഭിക്കുമ്പോള് മഞ്ചേശ്വരം ഉപജില്ലയില് ഏറ്റവും കൂടുതല് വിദ്യാര്ഥികള് പഠനം നടത്തുന്ന എ.ജെ.ഐ.എ.യു.പി സ്കൂളില് കൂടി സ്മാര്ട്ട് ക്ലാസ് ഒരുക്കാനുള്ള തെയ്യാറെടുപ്പിലാണ് മാനേജ്മെന്റ്. ഈ വികസനത്തിന് മുതല് കൂട്ടാവാന് പൂര്വ്വ വിദ്യാര്ഥികളുടെ നേതൃത്വത്തില് ചടുലമായ വികസന പ്രവര്ത്തനങ്ങള് ആവശ്യമായതിന് വേണ്ടിയാണ് ഒരു വട്ടം കൂടി വിദ്യാര്ഥികള് അക്ഷരമുറ്റത്തെത്തുന്നത്. 85 വര്ഷം മുമ്പ് തുടങ്ങിയ സ്കൂളിലെ ആദ്യ ബാച്ചിലെ വിദ്യാര്ഥികള് മുതല് 2016 ലെ അവസാന ബാച്ചിലെ വിദ്യാര്ഥികള് വരെ സംഗമത്തില് പങ്കെടുക്കുമെന്നാണ് സംഘാടകരുടെ കണക്കുകൂട്ടല്.
No comments:
Post a Comment